မြန်မာ ဆော့ဖ်ဝဲကိရိယာများ ဘလော့ | Myanmar Tools Blog

Zawgyi Unicode Converter Android app is rolling out! ဇော်ဂျီ ယူနီကုဒ် အပြောင်းအလဲမှာ အခက်အခဲရှိနေသူများအတွက် ဒဂုန်မက်ထရစ်ကနေ Zawgyi Unicode Converter android app ကို မျှဝေပေးလိုက်ပါတယ်။ ဇော်ဂျီကနေ ယူနီကုဒ် (သို့) ယူနီကုဒ်ကနေ ဇော်ဂျီကို အက်ပလီကေးရှင်းကို အသုံးပြုပြီး အလွယ်တကူပြောင်းလဲနိုင်ပါတယ်။ အက်ပလီကေးရှင်းရဲ့ ထူးခြားချက်အနေနဲ့ မည်သည့် Android အက်ပလီကေးရှင်း ကနေမဆို Share menu မှတဆင့် ဇော်ဂျီ ယူနီကုဒ် အလွယ်တကူ ပြောင်းလဲနိုင်အောင် ပြုလုပ်ပေးထားပါတယ်။

မြန်မာယူနီကုဒ် သမိုင်း တော်တော်များများ မေးတဲ့မေးခွန်းတစ်ခုရှိပါတယ်။ ဇော်ဂျီ ယူနီကုဒ်လို ပြဿနာမျိုးတွေက မြန်မာနိုင်ငံမှာပဲ ဖြစ်တာလား၊ ဘာလို့ဖြစ်တာလဲ၊ ဘာကြောင့်အတင်း ယူနီကုဒ်လိုက်ပြောင်းခိုင်းနေတာလဲ ... စတဲ့ မေးခွန်းတွေကို အတိုဆုံး ရှင်းပြချင်ပါတယ်။ ပြဿနာရဲ့အကြောင်းအရင်းကို နည်းနည်းနားလည်အောင် ပြောရမယ်ဆိုရင် ဖုန်းတွေ၊ကွန်ပျူတာတွေမှာ မြန်မာစာအပါအဝင် အက္ခရာ၊ စာသားတွေကို ဘယ်လို အလုပ်လုပ်ပြီး ဖော်ပြပေးသလဲဆိုတာကစရပါမယ်။ ဖုန်းတွေ၊ကွန်ပျူတာတွေမှာ စာလုံးတွေကို ဂဏန်းနံပါတ်တွေအနေနဲ့ ပြောင်းပြီး နောက်ကွယ်မှာ အလုပ်လုပ်ပါတယ်။ ဥပမာ အင်္ဂလိပ် အက္ခရာ ‘A’ ကို 65, ‘B’ ကို 66, ‘C’ ကို 67 စသည်ဖြင့် နောက်ကွယ်မှာပြောင်းပြီးအလုပ်လုပ်ပါတယ်။ မြန်မာစာ ‘က’ ကို 4096, ‘ခ’ ကို 4097, ‘အ’ ကို 4129 စသည်ဖြင့်ပြောင်းပြီး အလုပ်လုပ်ပါတယ်။ အခြားဘာသာစကားတွေအတွက်လည်း သက်မှတ်ချက် တွေရှိပါတယ်။ ကိုရီးယား ဘာသာစကားမှာဆိုရင် ‘ᄀ’ ကို 4352, ‘ᄁ’ ကို 4353 လို့ စသည်ဖြင့်သတ်မှတ်ပေးထားပါတယ်။ ဘာသာစကားတစ်ခုနှင့်တစ်ခု ဂဏန်းနံပါတ်တွေ မထပ်အောင် Unicode Consortium ဆိုတဲ့ အဖွဲ့အစည်းကနေ စံသတ်မှတ်မှုတွေပြုလုပ်ပေးပါတယ်။ မြန်မာယူနီကုဒ် သမိုင...